Hvað er Saumaheimur Siggu?

Saumaheimur Siggu er samfélag fólks sem hefur hug á að tileinka sér sjálfbærni þegar kemur að fata- og textílnýtingu - og þiggur leiðsögn Siggu á því ferðalagi.

Ef þú vilt vera sjálfbær í fatanýtingu og vilt leggja þitt af mörkum til Móður Jarðar með því að minnka textílsóun,

Þá gæti þetta verið eitthvað fyrir þig

"Hugmynd - Sköpun - Gleði" er áskriftarprógram hjá Saumaheimi Siggu. Prógrammið stendur yfir í 12 mánuði en hægt er að kaupa 4 mánuði ef vill.

Prógrammið býður upp á allt sem þú þarft á þessu skemmtilega ferðalagi hæg-tískunnar, til sjálfbærni í fata- og textílnýtingu.

Hér hefur þú aðgang að kennslu, aðferðum, hugmyndum og nánast öllu sem hugurinn getur hugsað sér varðandi saumaskap - og sérstaklega sköpunargleði gagnvart endurnýtingu og fatabreytingum.

Áskrift gefur þér möguleika á að kynnast öðrum, fá stuðning og félagsskap eftir þörfum.

1 - 2 sinnum í viku hittumst við á skjánum, saumum og lærum.

Ég legg sérstaka áherslu á að opna hugann og auka sköpunargleði gagnvart fatabreytingum og endurnýtingu á efnaafgöngum og flíkum sem vilja nýtt líf, þótt vissulega sé allur saumaskapur í boði.

Saumaheimur Siggu er allt í senn, einstaklingslærdómur, félagsskapur þegar þörf er á, stuðningur og hvatning.

Allt efni er á íslensku - nánari upplýsingar á [email protected]

Saumaheimur Siggu er með opna skráningu - þú getur skráð þig hvenær sem er og missir ekki af neinu :)

Prógrammið

• Vikulegir tölvupóstar og Zoomtímar
• Dagskrá í hverjum mánuði - ókei, ég tek sumarfrí og jólafrí en Gagnagrunnurinn er alltaf opinn
• Unnið með ákveðinn efnivið í senn og skipt reglulega um
• Minnst eitt tækniatriði tekið fyrir í hverjum mánuði
• Reglulegt mont og pepp
• Gagnagrunnur sem heldur áfram að stækka í hverjum mánuði
• Aðhald, félagsskapur og stuðningur

Prógrammið byggir á minni reynslu í saumaskap og endurnýtingu síðustu 15 árin.

Hvað dreymir þig um að sauma?

Langar þig að geta saumað nýja flík frá grunni, lesa sníðablöð og búa til snið eftir þínum eigin málum?

Langar þig að taka til í fataskápnum og poppa flíkurnar upp?

Dreymir þig um að skapa þér þinn eigin einstaka fatastíl?

Viltu vera sjálfbær í fatanýtingu?

Viltu leggja þitt af mörkum til Móður Jarðar með því að minnka textílsóun?

Sagt um Saumaheim Siggu:

"...Það er auðvelt að finna og fletta upp hvaða kafla sem er. Ef upp kemur vandamál, td. undirtvinninn flækist alltaf, þá getur maður farið og tékkað á því hvað Sigga segir um það. Líka er hægt að fá fjölmargar hugmyndir að útfærslum á saumaskap og rúsínan í pylsuendanum, allskonar fatabreytingar og lengdur líftími á fatnaði og efnum.

Síðan er lifandi og áhugaverð. Hún er í stöðugri vinnslu og ýmislegt bætist við og áskrifendur eru í eins miklu lifandi (Zoom spjalli) og skriflegu sambandi og þeir vilja, með hvað sem er varðandi sauma og -tengd efni.

Þið sem viljið læra að sauma, endurnýta, breyta, taka mál, sníða og klippa efni og vera í lifandi sambandi við aðra í sömu sporum þá MÆLI ÉG 100% MEÐ ÞESSARI SÍÐU." (Jóna Imsland)